• Пачатак
• Артур Вольскі
• Максім Багдановіч
• Андрусь Дылюк
• Якуб Колас
• Янка Купала
• Францішак Багушэвіч
• Наталля Арсеннева
• Ларыса Геніюш
• Уладзімір Караткевіч
• Янка Золак
• Павел Місько
• Рыгор Барадулін
• Сяргей Давідовіч
• Казімір Сваяк
• Паўлюк Багрым
• Ян Вісліцкі. Малітва Ягайлы
• Кірыла Тураўскі
• Францыск Скарына
• Алесь Гарун
• Данута Бічэль-Загнетава
• Мікола Маляўка
• Кандрат Крапіва

Уладзімір Караткевіч

На Беларусі Бог жыве

"На Беларусі Бог жыве",-
Так кажа мой просты народ.
Тую праўду сцвярджае раса у траве
І адвечны зор карагод.

Тую праўду сцвярджае
Упартасць хваль,
І продкаў запавет,
І мовы залатая сталь,
І нашых дум сусвет.

Тую праўду сцвярджае
Усё зноў і зноў
Ўсім лёсам,-
Няхай спакваля,-
У хмарах дубоў,
У вясёлках агнёў
Купальская наша зямля.

І няхай давядзе мне
Іншая кроў,
Што брашу,
Як сабачы сын,-
А няма нідзе
Вярнейшых сяброў
І прыгажэйшых жанчын.

Гэта край раскрытых душ і дзвярэй,
Гэты край -
Твой дом і сабор...
У нас дваццаць з лішнім тысяч рэк,
Адзінаццаць тысяч азёр.

Нам ёсць што піть,
З падмосткаў ліць,
Чым палі свае акрапіць,
А як давядзе, то ёсць нам дзе
І ворага ўтапіць.

І тая памяць жыве не ў царкве,
А ў кожнай жыве галаве:
"На Беларусі Бог жыве..." -
І хай сабе жыве.

А калі Ён шле на нас кару і гнеў,-
Ну што ж,- мы з ім свае:
У вяршыні самых гонкіх дрэў
Маланка б'е.

І пра тое кожны пяе салавей
Росным кветкам у роднай траве:
"На Беларусі Бог жыве..." -
І няхай да веку жыве.